aastitav nari ka

Sagar ki Sahil nahi
na hi hu kisi Kavi ki Kavita
Phoolo ki Khushbu nahi
na hi hu kal -kal karita Sarita

kisi devta ki murat nahi
na hi hu koi pratiksha
samay ki sima nahi
na hi hu kisi Prem ki Samiksha

Log kahte hai mai hu ek Yayawar
yayari hai jiski Pravirti
her dum chalte rahna hi
jiski ban gyi ho Niyati

Shabdo ki mala bunti hu
Shardha ke suman chadhati hu
geet vishvash ke gati hu
her pal lahro se takrati hu

vistar nahi mera amber jitna
na hi hai mujhe kaliyu sa simtna
kahana aasan nahi kuchh khud ke bare mai
haa etni bejan bhi nahi ki simat jau ek chhote kagaj mai.

Tumhari Yad

Jab yad tumhari aati hai
dil kahta hai
tum dur nahi ,yahi kahi ho
najro se ojhal sahi mann ke najdeek ho.
janti hu tum mere nahi ,
per phir bhi ye vishvas hai,
tum mujhse juda hoker bhi
herpal mere karib ho.
Hamari duniya yun udas na rahegi,
yakin hai ek din bahar to aayegi,
entjar ka silsila kabhi to tutega
us din ye judai na hogi,
bas hum hoge aur ye tanhai hogi.

Sapne ya Hakiyat

kuchh yad nahi aata
kab se shuru hui ye kahani
na to kahi padha
na hi suna kisi ki jubani
bas yad aati hai to
halki halki vo yade
jab karte the sabhi unki vo bate
shayad shuruvat mohhabat ki yahi thi
baichain thi rouhe aur sanse thami thi
socha karti thi yahi bas
vo kun hai? kaise hai?
kya vo hi mere apne hai?
ya phir ye shirf mere sapne hai